Hytteeigar i Suldal

Velkommen til hyttekommunen Suldal!

Kjære hyttesuldøl,

‍

Tusen takk for at du har valt deg Suldal som din kommune å nyta hyttelivet i. Me veit kor viktig hytta er for å roa ned frå ein hektisk kvardag eller nyta flotte naturopplevingar og aktive fridagar saman med familien. Du er kanskje og ein av stadig feire som brukar hytta som kontor når sola stråler? Velkommen skal du vera!

‍

I denne helsinga frå oss finn du ein del praktisk informasjon som kan vere greitt å kjenna til som hytteeigar i kommunen vår. Du finn også informasjon om alt frå toppturar til skiløyper, om det populære folkebadet vårt Suldal Bad, om Kulturhuset i Suldal som har eit spanande program for heile familien og butikkar, attraksjonar og opplevingar ute i grendene våre og i kommunesenteret Sand.

‍

Kva med å nyta ein kaffikopp på ein av kafeane våre, handla kortreiste varer i lokale butikkar, prøva skia i lysløypa på Gullingen eller bada i eit idyllisk fjellvatn?

‍

I skattkammeret vårt har me kort veg frå sjø til høghei, og opplevingar for heile familien. Me håpar du får gode dagar i Suldal, med eit rikt hytteliv både vinter, vår, sommar og haust!

‍

Gerd Helen Bø

Ordførar i Suldal kommune

Last ned informasjonshefte til hytteeigarar i Suldal her.

Kommunale tenester

Hyttetomter

Oversikt over ledige kommunale tomter i Suldal og kostnadar knytt til kjøp finn du på buisuldal.no og suldal.kommune.no. Fleire lokale utbyggjarar og byggfirma tilbyr også hyttetomter.

‍

Søke om byggeløyve

For større prosjekt som bygging av ei ny hytte treng du ein ansvarleg søkar for tiltaket, altså eit byggfirma eller liknande som står for søknad, prosjektering og utføring. Du må også søkja for fleire mindre prosjekt, men her kan det vera mogleg å søkja og stå for arbeidet sjølv. Søkeprosess og prisar finn du meir informasjon om på suldal.kommune.no.

‍

Brann og feiing

Haugaland brann og redning IKS utfører feiing og tilsyn med fyringsanlegg (skorstein og eldstad) i Suldal kommune. Dei gjer deg som eigar merksam på feil og manglar slik at dei kan rettast opp før ein brann oppstår. Bålbrenning i Suldal kommune er forbode i perioden 15. april til 15. september utan særskild løyve frå brannsjefen.

‍

Vatn og avløp

For vatn og avløp knytt tilhytta må ein betala ei tilknytingsavgift og ei årsavgift. Oversikt over dette finn du påsuldal.kommune.no.

‍

Renovasjon og avfall

IVAR IKS er ansvarleg for renovasjonen i Suldal kommune, og det er plassert ut ulike containerar for hytterenovasjon ulikestader i kommunen. Informasjon om prisar og tilbod relatert til dette nn du på suldal.kommune.no og ivarryfylke.no. Gjenbruksstasjonen for avfall til sortering og avfall som ikkje høyrer til hyttekonteinarane finn du i Gåsavikja på Sand.

‍

Bom ved Blåsjøvegen

I sommarsesongar er det betaling ved bom for ferdsel innover Blåsjøvegen. Bommen står ved skitrekket over Gullingen turistsenter. Ein kan anten betala med kort ved bom eller kjøpe sesongkort ved servicetorget hjå Suldal kommune.

‍

Legevakt

I opningstida kan legekontoret i Suldal kontaktast på tlf. 52 79 23 00. Utanom opningstid og når hjelpa ikkje kan vente kan ein kontakte legevakta på 116 117. Ved akutt hjelp og når det står om liv kontaktar ein 113 direkte.

Lokale tenester

Servering, catering og overnatting

• Kulp Bistro: Me satsar på mat med lokal forankring. Derfor kjøper me kortreist mat der me sjølv har fått påverka prosessen for å få perfekte produkt.

• Brunsj: Eit pust av byliv på kulturhuset i Suldal. Mikro håndverksbakeri med gourmet sandwichar, salatar, baristakaf og eigenprodusert kaffi.

• Mo Laksegard: Kurs og konferanse, mat og drikke, villmarksleir, laksesafari, elveekspedisjon.

• Ryfylke Basecamp: Ryfylke Fjordhotel ligg idyllisk til ved Sandsfjorden og Suldalslågen, og tilbyr opplevingar til lands og til vanns. Dagsturar til naturattraksjonar og overnatting.

• Energihotellet: Velkommen til eit historisk designhotell på Nesflaten. Lokal mat, kunst og kultur.

• Fargeriet: Vi byr deg inn på smakfulle kaker, lunsjrettar og middagar; lokal mat frå Ryfylke. Dersom du ønskjer hjelp med møtemat eller selskapsmeny har me ein velsmakande catering-meny.

‍

Varehandel

• Sand Møbelsenter: Me har godt utval og fører mange merke. Velkommen innom!

• Sand Blomster: Hjå oss nn du alt du treng av blomar, garn og interiør til hus og hytte.

• Sand bok & elektro: Kom innom oss for å sjå vårt store utval av varer.

• Sand sport: Velassortert sportsbutikk der du finn alt du treng for eit aktivt friluftsliv ved fjorden, lågen og i høgheia.

• Sand Boots Apotek: Ditt lokale apotek med alt du treng til fjellturen.

• LOMA - lokalmat frå Ryfylke: For å gi deg det beste utvalet. Her finn du alt frå honning, frukt, kjøt, egg, ost og heimebakst. Butikken er ubetent og du betalar med VIPPS til kvar produsent.

• Bunnpris: Me i Bunnpris ønskjer å tilrettelegga for at du som kunde enkelt skal kunna ta smarte val.

• Extra Suldal: Extra Suldal ligg midt i handlegata på Sand i Suldal.

• Joker Erfjord
• Joker Suldalsosen

• Joker Vatlandsvåg: Nettbutikk med varelevering.

• Bustad: Klær, sminke, hudprodukt, strømper, undertøy, smykke

‍

Lokale tenester

• Sidsels Tapetserverksted: Stopping og trekking av møbler. Le-veggar, presenningar, konsolltrekk m.m. Sal av møbelstoff.

• Møgedal Mek. Verkstad: I butikken nn ein det meste ein treng til både hytte, hus, hage og gardsdrift.

• Fonnafly/helifly: Me tilbyr alt innan helikoptertenester.

• Sand servicesenter: Best, Mekonomen, bilutleige, vinterlagring og sal av båtar, Telenor, propan.
• Tjelmane Dekkservice: Gatekjøkken, drivstoff og dekk.

• Krossen Stasjon: Take-away, drivstoff, bilvask, gass.

• Altibox: Bestill Altibox til hytta og heimen!

Bygg og anlegg

• Erøyvik: Treng hytta di eller uteplassen ei oppgradering? Få kvalitet - bruk lokale fagfolk!
• Norgeshus KV Bygg Suldal: Treng hytta di eller uteplassen ei oppgradering? Få kvalitet - bruk lokale fagfolk!
• Suldal Hyttebygg: Treng hytta di eller uteplassen ei oppgradering? Få kvalitet - bruk lokale fagfolk!
• Helgevold: Me hjelper deg med alt som har med elektriske installasjonar å gjera. Faget vårt omfattar også lyd- og lysanlegg, berløysingar,alarmar og energismarte varmeløysningar – for å nevna noko.

• Ryfylke Elektro/El-proffen: Vi utfører alle typer elektroinstallasjoner i din bolig eller fritidsbolig. Smarthytte/hus - sterk/svakstrøm installasjoner - kvalitet og sikkerhet.

• Suldalstrappa: Alle typer trapper i høg kvalitet. Dei som trør Suldalstrappa, svingar seg gjennom livet med fokus på det gode!

• Klungtveit Maskin: • Graving • Boring • Sprenging • Transport • Kan òg hjelpa med: Flytting med maskintralle inntil 20 tonn. • Hoppetusse 70-500 kg • Utleige kompressor og boreutstyr

• Monter Suldal: Bygge på hytta sjølv? Bruk lokale fagkompetanse! Velkommen til Montér Suldal!

• Svein Klungtveit: Røyrlegging, septiktømming, spyling av tankar, opparbeiding av tomt og vegar, graving og transport.

• Ola Fisketjøn: Me vil hjelpe deg med å gjera klar tomta di, graving og sprenging til veg og grunn, slik at du kan få setja opp hytta eller hus.
  ‍

Kultur og opplevingar

• Ryfylkemuseet: Ein inkluderande møteplass for kunnskap og opplevingar! Museum, utstillingar, kafe og museumsbutikk i Nesasjøhuset i Sand sentrum.

• Kulturhuset i Suldal: Konsert, teater, kino, bowling, utstillingar, bibliotek, kafe.

• Suldal Bad: Sklie, stupetårn, hinderløype, klatrevegg, boblebad, terapibad, barnebasseng, badestove og kafe.

Gode opplevingar i Skattkammeret Suldal

Turnettverk og skiløyper

I Suldal kan du nyta utsikta frå storslagne toppar som Hellandsnuten og Napen, besøka flotte turisthytter eller ta deg ein rusleturlangs elvar, vatn og fjordar i grendene våre. I vintersesongen finn du milevis med skiløyper, skitrekk og skileik i Gullingen-området. Turkart til kvar enkelt grend får du tak i ved Suldal turistkontor og i utvalde butikkar.

‍

Jakt og fiske

I kommunen finn du ei rekkje flotte jaktområde, fiskevatn, den største lakseelva på Vestlandet og fjordar som byr på eit rikt mangfald av fiskeartar. Du står fritt til å fiska med stang i fjordane, men du må vera obs på at det er eigne reglar tett på elvemunningar. Informasjon om fiske i vatn finn du på inatur.no og informasjon om laksefiske i Suldalslågen finn du på suldalslagen.no. I Suldal kan du også besøkja det eldste laksestudioet i Noreg.

‍

Vasskraft og arkitektur

Store kraftutbyggingar som Røldal-Suldal Kraft og Ulla Førre- utbygginga har gjort Suldal til ei kraftkjempe som står for 8 prosent av årleg kraftproduksjon i Noreg. Ulla-Førre var i si tid Nord-Europas største kraftutbygging, der Blåsjø inngår som Noregs største damanlegg. I sommarsesongen kan ein besøkja området. Kraftarkitektur, saman med andre moderne og historiske bygg, utgjer arkitekturrundturen Suldal-Sauda-Røldal som byr på den beste samlinga av arkitektoniske verk i Fjord Noreg.

‍

Livlege grender

Suldal er den største kommunen i Rogaland og den tredje største på Vestlandet med i underkant av 4000 menneske fordelt på hovudsakleg sju grender. Her finn du flotte nærbutikkar, varierte turmoglegheiter, bortgøymde badeplassar og mange kjekke opplevingar. I kommunesenteret Sand kan du utforska eit godt utval nisjebutikkar, kulturhus, museum, badestrandog torgutsal på utvalde dagar.

‍

Kommunesenteret Sand

Strandstaden Sand er det idylliske kommunesenteret i Suldal kommune. Blant kvite trehus tett på fjorden finn du kafear, nisjebutikkar, museum, kulturhus, daglegvare, vinmonopol og apotek. På Sand finn du det du treng til bil, hus og heim med verkstad, røyrleggar, byggfirma, møbeltapetserar, dekor, blomebutikk og byggvarehus. Treng du litt fornying finn du også sportsbutikk, klesbutikk og skobutikk. På utvalde dagar arrangerer ein torghandel iSand sentrum, ulike aktivitetar og arrangement som Ryfylkedagane, Jordbærfestivalen og Møgedalsamarknaden. Følg @SandiSuldal på Facebook for siste nytt frå kommunesenteret.

‍

Få med deg det som skjer

Kva med å leiga ein vedfyrt stamp, flyta nedover Suldalslågen på utkikk etter Salmo Suldal eller nyta trerettars middag på designhotell? Informasjon om gode opplevingar og aktivitetar får du på visitsuldal.no. Der finn du også ein eigen arrangementskalender med informasjon over konsertar, aktivitetar og arrangement i Skattkammeret Suldal.

‍

I Suldal er opplevingane dine! Bruk emneknaggen #VisitSuldal for å dela dine beste opplevingar med oss på Instagram.

‍

Kortferie i Suldal

Ein treng ikkje reisa langt for å få kjensla av ferie! I Suldal kan du velja på øvste hylle blant flotte overnat- tingsstader. Her kan du vakna opp med utsikt over fjordar, elv og vatn hjå våre tradisjonsrike hytter, laksegard og sentrumsnære hotell. Våre kafear og restaurantar tilbyr alt frå eigenprodusert kaffi og gourmet-sandwichar til omsyning i gardsbryggeri, «komletorsdag» og catering.

‍