Kortreiste matopplevingar

Er du på leit etter lokalmat og unike matopplevingar i Ryfylke og Rogaland? I Suldal er me stolte av våre rike mattradisjonar og kortreiste råvarer, og hjå våre ulike kafear og restaurantar kan ein koma tett på matkulturen i regionen. Her er oversikt over gode matopplevingar og tilbod i Suldal.

Kulp: Dagens middag, pizzabuffet og catering

Kulp held ope kvar dag i veka, og held til i Næringsparken på Garaneset. Her kan ein nyte «dagens middag» og pizza frå pizzabaren deira. I periodar serverer dei også ulike lokale rettar som «saueburger frå Erfjord» og kvar torsdag serverer dei komle. Kulp tilbyr også catering.

Fargeriet: Fresk bakst og komlemiddag

Fargeriet held til i lune lokale i kommunesenteret Sand. Her kan ein samle familien eller vennegjengen til lunsj og middag med favorittar som «dagens middag», kyllingsuppe, lasagne, ferske baguettar og mykje meir. Kvar torsdag serverer dei den populære komlemiddagen. Fargeriet tilbyr også catering.

Brunsj: Urban kafé med fersk bakst og barista kaffi

Brunsj er vår eigen urbane kafé der ein kan nyte friske salatar, gourmet sandwichar, fersk bakst og Suldal sin eigen kaffi «Suldalsskvetten». Brunsj held til ved Kulturhuset i Suldal, og eit besøk her kan gjerne kombinerast med eit besøk i utstillinga til kulturhuset eller til Ryfylkebiblioteket. Brunsj tilbyr også catering.

Ryfylke Fjordhotel: Servering ved Elveosen

Ved Ryfylke fjordhotel kan ein samla familien til middag og treffe vennegjengen i deira flotte restaurant med panoramautsikt over Sandsfjorden og elveosen, der fjorden møter Suldalslågen. Hotellet har eiga uteservering og i sommarsesongen opnar dei eit serveringsområde så tett på fjorden at ein nesten kan ta på laksen som hoppar.

Mo Laksegard: Villmarkscamp, gardsbryggeri og pannekaker ved elvebreidda (På bestilling)

På den flotte laksegarden tett på Suldalslågen er eit måltid mykje meir enn ei servering – det er ei oppleving. Hjå Mo Laksegard kan du bestilla eit besøk til deira heilt eige gardsbryggeri der du får servert ulike smaksprøvar. Du kan også ta med eit selskap til villmarkscampen deira eller bestille servering i campen deira ved elvebreidda. På garden serverer dei store og små lag i lune lokale på bestilling.

‍

Energihotellet: Fire-rettars middag basert på lokale råvarer til utsikt over Suldalsvatnet (På bestilling)

Energihotellet er vårt heilt eige designhotell, og i restauranten finn du deira særeigne gullpeis og fantastiske utsikt over Nesflaten og Suldalsvatnet. Her får du servert kortreiste råvarer med ein moderne vri med deira populære tre- og fire-rettars middagserveringar. Kva med brunostis? Dei har også eigne drikkemenyar basert på lokalprodusert vin og sider frå regionen. Hugs å bestille.

‍

‍

Træ Gården: Mat frå garden i stemningsfulle selskapslokale (På bestilling)

Træ Gården har restaurert løa på tunet som nå er omgjort til eit stemningsfullt selskapslokale som set den perfekte ramma for alle anledningar. På menyen kan ein mellom anna ha angus og ullgris frå garden. Deira mest populære meny er "tre frå garden".

‍

‍

Midtsommar: Gardsbesøk til vingard

Midtsommar er vår heilt eigen vingard som ligg til på Hebnes med fantastisk utsikt over fjordgapet. På besøk til garden får ein omvisning blant drueplantene, ein kan læra meir om produksjonen og ein kan delta på vinsmaking. Hugs å bestille.

Stranddalen: Tre-rettarsmiddag og tradisjonsrik komle servert i frisk fjelluft (Sommarsesongen)

Stranddalen turisthytte ligg idyllisk til midt i Suldalsheiane, 5 km frå næraste veg. Her kan du i sommarsesongen nyta herleg tre-rettars middag etter dagens tur, og torsdagar har dei sin berømte komlemiddag. Ulike helgar i sesongen inviterer dei også Noreg sine fremste kokkar for ei fantastisk matoppleving i høgfjellet. Kvar morgon serverer ein frukostbuffet med eit rikt utval. Ønskjer du kaffi på termosen til neste fjelltur? Sett termosen fram og den står klar til deg på disken neste dag! Hytta har også skjenkjebevilling.

Vikane hyttetun: Servering og stamp like ved Suldalsvatnet (På bestilling)

Ved Vikane Hyttetun har dei eit eige grillhus like ved Suldalsvatnet. Her kan ein bestilla matservering for vennegjengen eller familien, som ein kan kombinere med vedfyrt stamp og eit bad i Suldalvatnet.

‍

Suldal hotell: Tett på Sandsfjorden (På bestilling)

Suldal hotell tilbyr flotte selskapslokale når ein skal samle større lag. Her er ein tett på kommunesenteret og  Sandsfjorden.

‍

Andre smaksopplevingar

Suldal har også ei rekke andre flotte lokalmatprodusentar som tilbyr ureiste produkt frå kommunen og regionen.

‍

‍