Velkommen til utdeling av kvalitetsmerke "Olavsrosa" og open dag på Bjørkjenes gard, Hamrabø

Dagen vert markert med utdeling av kvalitetsmerket Olavsrosa frå Norsk kulturarv , ordførar Gerd Helen Bø og representant i frå Statsforvaltaren i Rogaland for avdukinga av «Olavsrosa». Jarle Tveit vil fortel sjølv om historia om garden som han og kona Marit overtok i 2003. Etter den offisielle delen av programmet er ferdig vert det ein liten matbit frå garden  og høve til å gå rundt i Børkjenes tunet for å bli kjent. Bjørkjenes gard er den fyrste som mottek kvalitetsmerke "Olavsrosa" i Ryfylke.
Visste du at tunet har 16 bygningar og heile garden har over 40 bygningar?  

Olavsrosa:
Olavsrosa er det leiande varemerket for opplevingstilbod med basis i den norske kulturarven. Kvalitetsmerket blir tildelt opplevingar av særleg høg standard, med omsyn til både kulturhistorie og formidling. Olavsrosa symboliserer stor respekt for fortida, men også glede og spennande opplevingar i dag. Innehavarar av Olavsrosa forpliktar seg til å vere gode ambassadørar for ein levande kulturarv og formidle historia til gjestene sine. Sjølve symbolet Olavsrosa byggjer på valknuten- eit gammalt symbol for vern, som er kjent både frå Borge og utlandet. 136 bedrifter/ institusjonar  nasjonalt har fått tildelt kvalitetsmerket Olavsrosa, 6 av desse ligg i Rogaland.

Hamrabø og Børkjenes, del av Suldal Utvalde kulturlandskap (UKL)
Det utvalde kulturlandskapet i Suldal inkluderer grendene Hamrabø, Klungtveit og Mokleiv. UKL Suldal har fått denne nasjonale statusen fordi det er eit særprega kulturlandskap. Ordninga med Utvalde kulturlandskap i jordbruket vart etablert i 2009 gjennom eit samarbeid mellom landbruks-, og miljømyndigheitar, Riksantikvar og grunneigarar. Det er pr. 2022 49 område som er valde ut som Utvalde kulturlandskap nasjonalt.

‍