"Berekraftig Reisemål" er ei nasjonal merkeordning drifta av Innovasjon Norge som gir reisemål målbare indikatorar og strategiske verktøy som ein kan ta i bruk i den langsiktige og heilskaplege reisemålsutviklinga på destinasjonen. Ordninga, med sine under 100 indikatorar, er kopla opp mot FN sine berekraftsmål og andre standardar for berekraftig utvikling, der ein skal sikre bevaring av natur, kultur og miljø, styrking av sosiale verdiar og økonomisk levedyktighet. Ordninga legg difor opp til at ein skal utvikle eit reisemål som gir gjensidig vinning for gjester, så vel som lokalbefolkninga og lokale verksemder. Å vera merka som eit "Berekraftig Reisemål" betyr ikkje at ein er berekraftig, men at ein arbeider strategisk med å sikre ei berekraftig utvikling der ein må vise til betring innanfor indikatorane ved kvar treårige re-merking.
Les meir om ordninga "Berekraftig Reisemål" her.
Les Standarden for Berekraftig Reisemål-ordninga her.
Suldal blei merka for første gong i 2020, og går inn mot ei ny remerking under ordninga sommaren 2023. Her skal Suldal mellom anna svare på indikatorane i ordninga og utvikle ein ny reiselivsstrategi. Det er destinasjonsleiinga i Suldal, med Suldal kommune, Næringshagen i Ryfylke og Suldal Næringsforening v/Reiselivsgruppa, som sit i styringsgruppa for dette arbeidet, der Næringshagen i Ryfylke er prosjektleiar. Som ein del av denne prosessen ønskjer me å invitere inn lokalbefolkninga, deltidsinnbyggjarar, frivillige lag og - foreningar, forvaltning, kultur & formidling, regionale samarbeidspartnarar og fleire til å koma med sine innspel.
Du kan bidra ved å samle innspela frå deg, og dei interessene du representerer, på følgjande tre spørsmål:
SVARFRIST ER OVER.
Har du spørsmål eller ønskjer ein større diskusjon rundt arbeidet med reisemålsstrategien og re-merkinga av Suldal som "Berekraftig Reisemål"? Kontakt oss gjerne på suldal@visitsuldal.no.
Skattkammeret Suldal har ein eigen logo som skal bidra til auka merkevarebygging. Logoen består av eit ikon og eit namnetrekk.
Ikonet symboliserer både at «skattane» i kommunen stråler ut, i tillegg til at det kan symbolisere vassdråpar som igjen blir viktig kraft for industri og anna næring i kommunen.
Namnetrekket er sett i ein typografi som har eit reint uttrykk og som er godt lesbar. Namnetrekket skal symbolisere styrke og stabilitet, og vera ein kombinasjon mellom harde og mjuke former.
Logoen består av to element: symbol og namnetrekk. Logoen skal alltid bli brukt i si opprinnelige form. Fargar, skrift og avstandar skal ikkje bli endra. Namnetrekket i logo skal alltid bli brukt i 100% svart eller kvit. Logoen i fargar skal alltid stå på ein bakgrunn som gir god lesbarheit og kontrast til fargane.
Hovudlogoen i ein farge kan bli brukt i 100% svart eller i 100% kvit.
Logoen bør ikkje bli brukt i mindre storleik enn 15 mm breidde for at den skal vera godt lesbar på trykk. På digitale flater er minste storleik 75 pixlar breidde.
For å sikre logoens eigenart bør det ikkje plasserast andre element nærmare enn feltet rundt logo, markert som stipla ramme under. Feltet er definert på alle logo versjonar i profilen.
Logoen skal alltid bli brukt etter retningslinjene i denne manualen. Her følger nokre eksempel på rett og feil bruk av logo.
Det er fire hovudfargar i Skattkammeret Suldal sin profil, blå, grøn, raud og oransj, samt ein nøytral svart (kvit) tilleggsfarge. Fargane er definert etter Pantone fargesystemet. Fargane kan bli prukt med 4-farge CMYK profilar til print og RGB profilar til skjermar. Fargane i profilen skal brukast i full metting og skal ikkje nedtonast.
For å sikre eit samla uttrykk i all marknadsmateriell er det naudsynt med konsekvent bruk av same skrifttypar. Dette skapar eit ryddig uttrykk, bidreg til merkevarebygging og styrkar omdømmet. Ein bør kun bruke skrifttypane som er definert i profilhandboka. I overskrifter, ingressar og brødtekst skal skrifttypen Gotham eller den kondenserte versjonen Gotham Narrow bli brukt. Alle snitta av fonten kan bli brukt. Under viser eit utval snitt. Til intern bruk, og i tilfelle kor det ikkje er mogleg å bruke hovud skrifttypen, skal skrifttypen Arial bli brukt.
I profilen er det utforma ein tag. Tag skal i hovudsak bli brukt av kommune og offentlege aktørar, men kan og bli brukt av næringsliv og private aktørar som ønsker å profilere Suldal i marknadsføring. Fleire tag'ar skal ikkje bli brukt saman/på same produkt. Typografi, form og fargar skal ikkje endrast. Ein kan bruke alle fargeversjonane av tag som vist her. Minste anbefalt storleik for tag er: Trykk = 20 mm breidde. Digitalt = 80 pixlar breidde.
Skattkammeret Suldal tag på andre språk kan bli brukt i marknadsføring spissa mot internasjonale målgrupper. NB! På produkt med fleire språk i tillegg til norsk, skal i hovudsak tag på norsk bli brukt. Typografi, form og fargar skal ikkje endrast. Ein kan bruke alle fargeversjonane av tag som vist her.
For at Skattkammeret Suldal tag skal bli oppfatta som eit merke og ikkje ein logo, skal den alltid plasserast langs øvre kant på eit dokument eller eit bilete. Tag skal ikkje plasserast i nærleik til eigen aller annan logo. Tag bør i størst mogleg grad bli brukt saman med hovudlogoen, då det vil koble elementa saman og bidra til auka merkevarebygging. Under er nokre eksempel på bruk og plassering av tag elementet. Eksempla bruker grafiske element og fargar frå Skattkammeret Suldal sin profil.
Eksempel på bruk i fleirspråkleg marknadsføring
Bruk av Skattkammeret Suldal tag på andre språk skal gjerast i tråd med gitte retningslinjer på føregåande sider. Eksempla under viser bruk av tag på einspråkleg og fleirspråklege produkt.
Fargane er viktige verkemiddel i den visuelle identiteten til Skattkammeret Suldal. Dei komplimenterer bilete og knyter dei grafiske elementa til profilen. Fargane kan bli brukt som bakgrunnar, til tekstblokker, til framheving av tekst eller som støtteelement til overskrift. Alle hovudfargane i profilen kan bli brukt som dekorelement. Fargane kan brukast i kombinasjonar som gjev god nok kontrast for lesbarheit, og balanse med bilete og andre element.
Bruk av bilete med unike motiv knytt til Suldal er ein viktig del av identitetsbygginga i Skattkammeret Suldal sin profil. Bileta skal vere i god høgoppløselig kvalitet og i størst mogleg grad tatt av profesjonelle fotografar. Under er nokre eksempel på bilete som inngår i profilen.
Eit online biletarkiv for Skattkammeret Suldal blir administrert Næringshagen i Ryfylke. For tilgong til arkivet og nedlasting av bilete, ta kontakt på post@nhryfylke.no.
Eksempel under viser bruk av Skattkammeret Suldal logo, tag og element frå profilen i trykksak for Suldal kommune.
Eksempel under viser bruk av Skattkammeret Suldal logo, tag og element frå profilen i marknadsføring av reiselivet i Suldal.
Eksempel viser bruk av Skattkammeret Suldal logo, tag og element frå profilen på digitale flater.
Eksempel viser bruk av Skattkammeret Suldal logo, tag og element frå profilen i skilting og merking.
Eksempel viser bruk av Skattkammeret Suldal logo, tag og element frå profilen i Microsoft Office malar.
Last ned profilhandbokaSuldal kommune
Eidsvegen 74230 SAND
Telefon: 52 79 22 00
postmottak@suldal.kommune.no
Design/kontakt:
Omega 365 Design hei@omega365design.no
Gata 22, 4230 Sand (Sommarsesongen)
Sandsvegen 134, 4230 Sand (Heile året)
Tel: (+47) 97 77 57 57
E-post: post@nhryfylke.no
