Midt mellom Preikestolen og Trolltunga, langs Nasjonal Turistveg Ryfylke og Discovery Route, finn du Skattkammeret Suldal. Her finn du fleire av dei høgaste toppane i Rogaland, den kjende lakseelva Suldalslågen, vidder der du får landskapet heilt for deg sjølv, ei rekke idylliske grender tett på fjorden og 70 km med merka skiløyper i vintersesongen. Velkommen!
Laksesafari, fruktgardar, guida padleturar og levande museum
I Suldal kan du besøke langs Noregs største damanlegg, flyta nedover Suldalslågen i tørrdrakt i møte med Salmo Suldal, bli med på omsyning på frukt- og vingard, utforske bortgøymde fjordar, pusta inn frisk fjelluft på ein fjelltopp og læra meir om tradisjonell og moderne arkitektur.
Nedanfor kan du søkja etter aktivitetar, samt sjå nokre av våre favorittar!
I Skattkammeret Suldal finn ein ei rekkje aktivitetar og gode opplevingar gjennom heile året.
Sommar
Opplev eit rikt nettverk av turløyper, besøk våre flotte turisthytter og kom tett på kvardagslivet i dei idylliske grendene våre. Slå deg til ro i ei båthamn, flyt nedover vestlandets største elv på laksesafari og utforsk ein fjord frå kajakken.
Oppfyll draumen om å fanga storlaksen, ta inn Suldalsnaturen på jakt og slå deg ned i eit hyttetun tett på vatnet. Utforsk våre mange fiskevatn, ta nokre timar i Suldal Bad og opplev gode kulturarrangement i grendene våre.
Utforsk milevis av merka skiløyper, hiv deg ned skitrekket og varm opp kroppen i ein vedfyrt badestamp. Prøv lokale smakar frå våre lokale kafear, ta ein sentrumsnær rusletur og besøk flotte museumsutstillingar.
Lurer du på kva temperatur badeområda våre held? I Mosvatnet på Gullingen og i fjorden på Sand blir dei målt dagleg i sommarsesongen. Temperaturane er sponsa av Haugaland Kraft og Altibox.
