Leige av e-sykkel

Opplev Suldal og kom tett på naturen og bygdelivet frå sykkelryggen! Med elektrisk sykkel får du litt ekstra hjelp i motbakkar og motvind slik at du har meir energi når du kjem fram til destinasjonen!

Elektrisk sykkel eller e-sykkel er nesten heilt likt som vanleg sykkel, berre at ein liten ekstra motor gir deg ekstra kraft når du sjølv ynskjer det. Kor mykje denne motoren skal vera til hjelp er heilt opp til deg! Det er viktig å huske på at motoren er kun i drift når pedalane går rundt.

I Suldal blir syklane lada på rein kraft frå vasskraftverka som er ein del av Røldal-Suldal Kraft og Ulla-Førre.

Du kan leige e-sykkel på Turistinformasjonen på Sand, Gullingen Turistsenter eller Energihotellet på Nesflaten. Det kostar 150 NOK i timen, og 400 NOK for ein dag.

‍