Suldal er heimen til fleire lakseelver og villaksstamma Salmo Suldal. Her kan du jakta på storlaksen, flyta nedover elva i tørrdrakt og besøka Noreg sitt første laksestudio. Dette er den komplette lakseguiden til Suldal.

Laksefisket: Draumen om storlaksen!

Fiskarar kjem frå heile verda til Suldal kvar sesong i håp om å fange storlaksen. Suldalslågen er det mest vassrike vassdraget på Vestlandet, og er særs kjend for villaksstamma som går under namnet Salmo Suldal. Her startar sesongen 10. juli - 20. juli.

Før du startar fisket må du sikre seg fiskekort hjå den lokale grunneigaren, og du må betala fiskaravgifta hjå Miljødirektoratet. Fiskekort for Suldalslågen får du hjå den aktuelle grunneigaren, og oversikt over alle grunneigarane får du på suldalslagen.no. Reiselivsbedrifter som Mo Laksegard, Træ Gården, Lågatun Hytter, Mo Feriehytter og Lindum Camping tilbyr både overnatting og fiskekort.

Du må gjera deg godt kjend med reglar for fisket i elva. Dersom ein er ny i elva anbefalar me å starte med guida fisketurar. Hjå Mo Laksegard kan du få high-end laksefiske-pakkar og fiske med guide.

For å unngå smittefare mellom elvar er det særs viktig at du desinfiserer alt utstyr før du tek til på fisket.

Noreg sitt første laksestudio

Laksestudio i Suldal sto klart i 1988, og er dermed Noregs første. Her får du eit innblikk i livet til villaksen og det naturlege krinslaupet hans. Nedst i studio kan du sjå inn i det femte trinnet av laksetrappa, på laksen som er på veg frå fjorden og opp til heimstaden for å gyte. Kanskje kan du også peika deg ut laksen du seinare håpar å ta i elva? Du kan også læra meir om den unike arten, korleis laksen har ført til stor glede og stor usemje i Suldalssamfunnet og om forvaltningsarbeidet som føregår den dag i dag. Laksestudio held ope frå juni til september.

Like ved Laksestudio finn du det arkitektoniske verket Høsebrua, som fører deg videre til Garaneset eller Fiskebergåsen. I gåavstand ligg også Sand sentrum med nisjebutikkar, museum, kafe og restaurantar, kulturhus og turistinformasjon.

Flyt nedover elva på laksesafari

Hjå Mo Laksegard tilbyr dei (med unntak når elva er for lita i perioden desember-mars) verdsnyhenda Laksesafari, som mellom anna har ført til at amerikanske og kinensiske superstjerner har funne vegen til Suldal. Her får du på deg tørrdrakt og dykkarmaske før du går ut i elva og flyt nedover med straumen på leit etter laksen. Les meir og bestill hjå Mo Laksegard.

Kombiner gjerne laksesafarien med villmarkscampen, eit bad i vedfyrt stamp eller ein betre middag på Mo Laksegard. Dersom du vil prøve noko anna tilbyr laksegarden også elveekspedisjon ned elva, med lunsj i det fri.

Suldal jakt og fiskelag

Suldal jakt og fiskelag samlar fiskeentusiastar frå heile kommunen. Fleire gonger i året tilbyr dei kurs i laksefiske, samlingar for lakseentusiastar og eigen camp for kvinnelege laksefiskarar, eller ungdomar.

Overnatting ved elva

Langs Suldalslågen finn du ei rekke flotte hotell og gardstun med fantastisk utsikt over elva, så tett på at du kan sjå fisken hoppe om du er heldig. Fleire av overnattingsstadane tilbyr også fiskehytter ved elva, grillplass og meir. Les meir om våre overnattingsmoglegheiter på sida "Mat & Overnatting".

‍

Historie og lakseslott

Då engelskmannen Archer kom til Suldal på 1800-talet kjøpte han opp alle fiskerettane i elva og gjekk i gang med eit omfattande forvaltningsarbeid for villaksen. Han busette seg i lakseslottet Rophaug på Sand med kona Alice, og etterkvart kom fleire engelskmenn reisande til Suldal. Desse bygde seg også hus, såkalla lakseslott, langs elvebreidda. Døme er Juvåsen og Hiimsmoen, men kanskje aller mest kjend er Lindum. Lakseslottet har vore både guteheim og kvileheim, men i dag er eigedomen brukt som camping. Her har du difor ein unik moglegheit til å besøke Noregs største lakseslott på nært hald, frå telt, bubil eller leige ei av campinghyttene.