Selskapslokale ved Børkjenes gard

Børkjenes Gard ligg idyllisk til i Hamrabø med sine naturskjønne omgjevnadar og særprega fjellgardsmiljø. Totalt strekk garden strekk seg frå 280 til 1350 moh frå tunet heilt til fjells, og har totalt 40 hus. Dette er mellom anna hovudhus, kårhus, låven, sauehus, hønehus, stabbur, kvernhus, tørkehus for korn, taubanehus, kjerrehus med vedlager, eldhus, smie og sagbruk. Flesteparten av husa er frå 1800-talet, men fleire hus og historier strekk seg også lengre tilbake i tid. 

Garden fekk tildelt Olavsrosa i 2023, eit kvalitetsmerke for eineståande opplevinga rrotfesta i den norske kulturarven. Dei fekk også Suldal kommune sin bygningsvernpris i 2018 for arbeidet med å sikre bygningsarva på Børkjenes gjennom sine mange små og store restaureringsprosjekt.

Deira lokale eignar seg for grupper frå 20 til 120 personar, der løa tek 100-120 personar og fjoset tek 20-30. De kan også kan nytte uteområde på tunet. For dei som ønskjer kan ein også kombinere samlinga på garden med tur i heiområdet rundt. Sesongen for utleige avløa er mai-oktober. Fjoset kan varmast opp.

I samarbeid med lokale serveringsstader kan dei også tilby catering med fokus på kortreiste, lokale råvarer.  

Du finn Børkjenes Gard ved å ta av mot Hamrabø på vegen mellom Sand og Nesflaten, midt på Suldalsvatnet, langs RV13.  

‍