Bilde av hotell ved fjordkanten
Eit par som nyter eit måltid i uteserveringa
Ryfylke fjordhotel © Skattkammeret Suldal. Foto: Lise Bjelland
Ryfylke fjordhotel © Skattkammeret Suldal. Foto: Lise Bjelland
Bilde av hotell ved fjordkanten
Ryfylke fjordhotel © Skattkammeret Suldal. Foto: Lise Bjelland

Ryfylke Fjordhotel, Sand

Fiske
Foss/elv
Næring
Konferanse
Fjell
Overnatting
Serveringsstad
Vandring
Heilt i sjøkanten på Sand ligg ei perle av eit hotell. Ryfylke Fjordhotel kan freiste med smakfulle rom, fantastisk atmosfære med god mat i restauranten og ute-servering der ein har storslagen utsikt på den vakre Suldalsnaturen.

Omkransa av fjorden

Heilt i sjøkanten på Sand ligg ei perle av eit hotell. Ryfylke Fjordhotel kan freiste med smakfulle rom, fantastisk atmosfære med god mat i restauranten og ute-servering der ein har storslagen utsikt over Sandsfjorden og den vakre Suldalsnaturen. Hotellet opna dørene i 1996 under namnet Ryfylke Turisthotel, men  etter 10 år med drift skifta dei namn til Ryfylke Fjordhotel. I 2012 opne dei ein ny hotellfløy med 16 nye rom, nytt inngangsparti og ny bar, samstundes som alle fellesareal på hotellet vart pussa opp.

Ryfylke Fjordhotel ligg i sentrum av kommunesenteret Sand med gåavstand til kafear, butikkar, museum, badestrand og kulturhus. På kulturhuset finn ein bowling, kino, bibliotek og arrangement. Ein kort gåtur unna finn ein flotte Suldal bad, fleire turnettverk og den mektige Sandsfossen. I sommarsesongen kan ein her besøke Noregs første laksestudio.

Aktive opplevingar

Ryfylke basecamp ligg til hotellet og herifrå tilbyr ein ei rekke opplevingar på land og på vatn. Frå resepsjonen kan ein mellom anna leige med seg kajakk, SUP og elsyklar. Dei tilbyr også andre aktivitetar som mellom anna RIB safari inn Hylsfjorden på bestilling.

Lokale matskattar

Frå restauranten og baren til hotellet får ein panoramautsikt over båthamna og Sandsfjorden. Her tilbyr dei ein god og variert meny med suppe, sandwichar, pizza og burger. Lokale råvarer står i fokus, og her kan ein mellom anna få angus-burger frå Træ Gården som ligg i Sandsbygda. Hotellet har også eigen uterestaurant med varmeomnar der lokale Suldøler og gjester samlar seg så fort gradestokken tillet det. Om sommaren held dei også "Promenaden" ope som har ei fantastisk plassering like ved Suldalslågen, sit du her kan du vera så heldig at du ser laksen hoppe.

Ryfylke Fjordhotel, Sand

Sesong: Heile året.

Kapasitet: 64 rom, med totalt 118 senger. Konferanse fasiliteter.

For meir informasjon og booking besøk nettsida deira her.

Ryfylke Fjordhotel, Sand
har ei offisiell miljøsertifisering. Å velje opplevingar og overnattingsstader med «Reis Grønt» merket sikrar at bedriftene du støttar tek eit aktivt miljøansvar. Sjå alle med sertifiseringa her.