Eit smakfullt fjordeventyr

I hundrevis av år var fjorden den viktigaste transportåra gjennom Suldal og Ryfylke. Inn og ut av desse fjordarmane har vikinghøvdingar stått og skoda utover landskapet på veg heim frå tokta sine heilt til Midtausten, her har bønder sanka frukt og grønt som blei sendt med skip til England og Europa, og her har lakselordar segla innover på leit etter sin neste feriestad. Den dag i dag set desse transportmønstera sitt preg på regionen vår, og den beste måten å oppleva grendene og gardane er framleis fjordvegen. Her er inspirasjonstips tilgode mat- og kulturopplevingar for deg som vil nyta Suldal med båt.

Bobler, brunsj og bær på Jelsa

Det første møtet med Suldal på veg innover Ryfylkebassenget er bygdene Hebnes og Jelsa, som dannar ein “port” for ferdselen vidare innover regionen. Frå kaien på Jelsa kan du ta turen gjennom den historiske strandstaden, nyta dei lokale Jelsajordbæra og ta ein tur i nærområdet. Jelsa Hotell tilbyr overnatting og lokale smaksopplevingar på bestilling. Økstrafjorden i aust er ein av deifinaste og lunaste fjordane for båtliv i Ryfylke, der du kan få omvisning ogsmaksprøvar av eplemost og -sider på Fuglestein Fruktgard og bli med AktivFuglestein på SUP-tur. Barkaneset, Habn badestrand og Hattavågsholmen er verdt å få med seg.

Tips til stopp:

• Jelsa Hotell (på bestilling)
• Jelsa kyrkje og skulemuseum (på bestilling, via Jelsa hotell)
• På tur med Jelsapresten - strandguide med høyretelefonar (via Jelsa hotell)
• Fuglestein Fruktgard (på bestilling)
• Aktiv Fuglestein (på bestilling)

Ein viking,vinsmaking og lune hamner

Ein korttur vest over fjorden ligg Hebnes, som i vikingtida var heimen til høvdingen Torstein av Heimnes. Like ved minnesmerket hans kan du besøkja den første vingarden i Rogaland! Etter besøket anbefaler me ein tur innover Sjøbuholsvågen og Vatlandsvåg. Sjøbuholsvågen er nesten heilt innelukka med god skjerming, og har gjestebrygge, bålplass og gode fiskemoglegheiter. Vatlandsvåg har romsleg gjestehamn med oppdatert sanitæranlegg og eigen Joker-butikk.

‍Tips til stopp:

• Hebnes vingard
• Storstova gard
• Joker vatlandsvåg

Strandstaden Sand

Vidare innover Sandsfjorden ligg handelsstaden og fjordbygda Sand. Legg deg til i gjestehamna og nyt ein avslappande dag med handel, museum og lokalesmaksopplevingar på Drøs, Kulp og Ryfylke Fjordhotell. Drøs har sitt mikrobrenneri og bakeri, medan ein på Ryfylke Fjordhotell kan læra meir om siderproduksjonen deira. Laksestudio, kulturhus, badeland og turnettverk ligg i gåavstand frå sentrum. I Sandsbygda kan du besøkja gardsbutikken til Træ Gården og bli med inn i gardsbryggeriet til Mo Laksegard.

Tips til stopp:

• Drøs
• KULP
• Ryfylke fjordhotell
• Laksestudio
• Kulturhuset i Suldal
• Suldal Bad
• Hellandsnuten
• Træ Gården
• Mo Laksegard

Les meir om Matskattar frå Suldal her.

‍