Ytst på Ropeidhalvøya, omkransa av blanke fjordar, ligg Hebnes Vingard – Rogaland sin aller første vingard. Her tilbyr vinbøndene Toyni og Arild omsyning for grupper heile sommaren, med tur gjennom vinhagen og besøk i produksjonslokala. På seinsommaren kan du også bli med på Rødne sine fjordcruise frå Stavanger, og nyte både vakker natur og smakar frå garden. For grupper tilbyr Hebnes Vingard kjekke team-building aktivitetar, som “drueduell” og “forløs din indre vinbonde”.
La smak og design gå hand i hand på Energihotellet – Suldal sitt eige designhotell. Her kan du nyte ein tre-rettars middag basert på sesongbaserte og kortreiste råvarer, alt i ein atmosfære prega av særprega funksjonalistisk arkitektur og utsyn til Suldalsvatnet og majestetisk fjellandskap. Perfekt for ei smakfull helg!
Der. Suldalslågen møter Sandsfjorden, ventar Ryfylke Fjordhotell med sine lunsj og middagsrettar, rik på lokale innslag – som gjerne kan kombinerast med epledråpar frå hotellet sitt eige sideri. Kanskje er du så heldig å få sjå laksen hoppe i elveosen medan du nyt måltidet?
Midt i Sand sentrum ligg Drøs Kaffi og Matbar – ein urban møteplass med suldalske røter. Her kan du nyte alt frå moderne rettar med lokale råvarer til kaffi brent i eige brenneri. Perfekt for ein pause etter ein dag med opplevingar i standstaden Sand!
Bli med og opplev prosessen bak Suldalshonning – frå blomsterenga der biene surrar til honningkrukka på bordet. Honninggarden i Våge har plassert ut bikuber på tvers av kommunen som gir denne søte skattekista som er eit ekte symbol på Suldal sin smak. Kombiner gjerne med ein guida tur i det historiske Hylskaret, for å læra meir om pilegrimar, handelsmenn og turistar som har passert her gjennom hundrevis av år. Kanskje kallar huldra på deg?
Hos Mo Laksegard kombinerer dei ekte tradisjonsmat med store naturopplevingar. Prøv laksesafari eller elveekspedisjon, og nyt eitt ekte Suldalsmåltid framføre peisen, ved bassenget eller deira eigen villmarksleir – gjerne med smakar frå gardsbryggeriet. Her blir du garantert mett på både opplevingar og kortreiste smakar!
Tett på fjorden ligg Fuglestein Fruktgard, kjend for si populære eplemost og -sider. Bli med på omsyning og lær om prosessane bak den søte, friske smaken – og stikk innom gardsutsalet for å kjøpe med deg litt av sommaren heim.
Hanakamneset Gard er kjend for spanande produkt av frittgåande utegris – men dei har også sitt eige bakstehus til utleige. Perfekt for å samle vener og familie til einuforgløymeleg pizzakveld i naturskjønne omgjevnader!
Ei unik smaksoppleving ventar deg på Stranddalen Turisthytte, ofte kalla “perlå i Ryfylkeheiane”. Her, 1000 meter over havet, kan du nyte tre-rettars middag, torsdagskomle og rike frukostbuffetar – alt servert 5 km frå næraste veg.Gjennom sommaren inviterer hytta også kokkar til å trylle fram sine eigne menyar – eit ekte kulinarisk høgdepunkt!
Ta med deg smaken av Suldal heim! På Joker Vatlandsvåg, Storstova Gard, Fattnes Vestre, Hanakamneset Gard, Jelsa Jordbær, Bente Himabakst og Træ Gården finn du alt frå syltetøy og spekemat til tradisjonsbakst og søte jordbær. Her får du ekte matskattar – kortreist og full av historie.
Utforsk Energihotellet på Nesflaten - en unik blanding av designarv og natur, tilbyr lokal matkultur og uforglemmelige opplevelser ved Suldalsvatnet.
Opplev Ryfylke Fjordhotell i Sand, et perfekt utgangspunkt for fjordutsikt, kultur og aktiviteter. Nyt lokale delikatesser og eventyrlige opplevelser!
Drøs ligg i hjarta av strandstaden Sand, med både inne- og uteservering. Her får du moderne og friske smakar kombinert med tradisjonskost!
Utforsk Mo Laksegard i Suldal for enestående lakseopplevelser, lokal mat og unike overnattingsmuligheter ved Suldalslågen. Perfekt for natur- og matentusiaster.
Gata 22, 4230 Sand (Sommarsesongen)
Sandsvegen 134, 4230 Sand (Heile året)
Tel: (+47) 995 63 001
E-post: suldal@visitsuldal.no
