Gardsbesøk til Hebnes vingard

Hebnes vingard er Suldal sin heilt eigen vingard! På besøk til garden kan ein utforske vinhagen, smake på garden sine eigne vinar og læra om prosessane som inngår i vinproduksjonen.

‍

Vingarden på Hebneser drifta av bøndene Arild Hebnes og Toyni Tobekk. Eit besøk til garden tek omlag 1,5 time der ein startar med ei vandring gjennom vinhagen. Vidare går ein inn i produksjonslokale der ein vil læra om prosessane som inngår i vinproduksjon og ein vil få smaksprøvar. Eit besøk til garden kan også kombinerast med lunsj basert på lokale råvarer. Garden har ope for besøk av grupper heile året og for enkeltbestillingar utvalde dagar i sommarsesongen. Besøk hebnesvingard.no for prisar, opningstider og meir informasjon.

‍

Hebnes vingard ligg på Hebnes, heilt ytst på neset til Ropeidhalvøya mellom Vindafjorden og Sandsfjorden. Her får ein fantastisk utsikt over Nedstandfjorden og Jelsafjorden, og kan på klare dagar sjå heilt ut til Nordsjøen. Hebnes har ei rik historie som strekk seg mange hundre år tilbake i tid. På Hebnes kai finn du mellom anna minnesmerket etter Torstein av Heimnes, den største høvdingen i Ryfylke på 1200-talet og ein viktig person under det historiske slaget mot hertug Skule i 1240. Ropeidhalvøya byr også på flotte turmoglegheiter, fiskemoglegheiter og andre historiske besøkspunkt.

‍

Godt tilgjengeleg: Druehagen kan vera krevjande å ta seg fram med for personar som nyttar rollestol, barnevogn, m.m. Produksjonslokale der omsyninga blir avslutta er godt tilgjengeleg med parkeringsplass like ved. Her er det også toalett med god framkomlegheit som er godt tilgjengeleg for rullestolbrukarar. Ta gjerne kontakt for meir informasjon.