Turisthytter i Suldal

I Suldalsheiane og dei omkringliggjande fjellområda finn du eit variert tilbod av turisthytter — frå enkle sjølvbetente hytter til betjente hytter med servering og vertskap. Alle hyttene er knytte til Stavanger Turistforening (STF) eller Den Norske Turistforening (DNT). Booking gjer du via DNT-appen eller dnt.no. Her er oversikta over alle hyttene du finn på Visit Suldal.

‍

Sandsahytta: Sandsahytta er ei DNT-hytte som ligg flott til i eit tradisjonelt stølslandskap ved det regulerte Sandsavatnet, med utsikt til Svultanuten og Napen. Hytta har 44 senger fordelt på 12 soverom, stor peisestove og romsleg terrasse. Ho er sjølvbetent og open for alle — både DNT-medlemer og ikkje-medlemer. Eit godt utgangspunkt for toppturar til Napen (1350 moh), Reinsnuten (1144 moh) og Svinstølnuten (1178 moh). I dei mest populære sommarsvekene kan ein bestille båtskyss over Sandsavatnet.
Avstand: 5,4 km
Tid: 2 timar
Gradering: Middels (blå)
Høgste punkt: 730 moh

Jonstøl Turisthytte: Jonstøl er ei DNT-hytte i Bråtveitheiane som stod ferdig i 2014. Den prisvinnande storstova syner fram det beste frå over 100 år med hyttebygging og fekk ein lokal byggepris i 2015.
Hytta er eit naturleg stopp på tur i Suldalsheiane — anten for overnatting eller ein kvilerastpå vegen vidare.

Bleskestadmoen Turisthytte: Bleskestadmoen er Stavanger Turistforening si aller eldste hytte, og ligg på ein frodig stølsvoll omkransa av fjellbjørkeskog og snaufjell. Gamlehytta er frå 1891 og vart restaurert i 2001, samstundes som ei heilt ny hovudhytte vart reist. I tidlegare tider møttest suldøler og austmenn til hestehandel her oppe. Hytta er sjølvbetent med matlager og open heile året. Det er fiskemoglegheiter i Bleskestadåna — STF-medlemskort gjeld som fiskekort.
Avstand: 5,1 km
Tid: 3 timar
Gradering: Krevjande (raud)
Høgste punkt: 700 moh

Holmevasshytta Turisthytte: Holmevasshytta er Stavanger Turistforening si høgast liggjande hytte, på 1130 moh. Ho ligg flott til på dei vide Fidjaflatene med utsikt over Holmavatnet, og er ein dagsetappe sørover frå Haukeliseter. Hytta er sjølvbetent med proviantlager og open heile året, med 20 sengeplassar i hovudhytta og 6 i annekset. Merk at hytta er stengd dei to første vekene i reinsjakta kvart år. DNT-medlemskort gjeld som fiskekort i Holmavatnet og nedover langs Bleskestadåna.

Krossvatn Turisthytte: Krossvatn er ei DNT-hytte som ligg midt i hjartet av Dyraheio Landskapsvernområde — i det tradisjonelle jaktområdet for suldølen.
Ei hytte med djupe røter i lokalhistoria og eit naturleg knutepunkt for turar i dei øvre fjellområda i Suldal.

Kvanndalen Turisthytte: Kvanndalen Turisthytte ligg i ei frodig og vakker dal der Kvanndalselva slynger seg i rolege buar og trange stryk gjennom heile dalen. Ei idyllisk DNT-hytte for dei som søkjer stillheit og urørt natur.

Stranddalen Turisthytte: Stranddalen er den mest populære DNT-hytta i området og blir ofte kalla «Perla i Ryfylkeheiane». I sommarsesongen har hytta vertskap med full servering — perfekt som mål for ein lengre fjelltur.
Gradering: Middels (blå).

Stranddalshytta Gullingen: Stranddalshytta — «Perla i Ryfylkeheiane» — ligg 1000 moh under Stavanger Turistforening (STF). Hytta har 48 sengeplassar fordelt på 16 rom. I sommarsesongen er hytta bemanna med vertskap som serverer heimelaga mat basert på lokale råvarer — fleire gonger i veka serverer dei tradisjonell komlemiddag. Hytta er open heile året og eignar seg både som dagsturmål og som del av ein lengre rundtur mellom turisthyttene i Suldalsheiane.

‍

‍

‍