Fattnes Vestre

Kyr, sauer og nye spesialitetar

Fattnes Vestre ligg idyllisk til midt mellom den historiske Hylsfjorden og Saudafjorden. Der har folk levd av skogbruk, jordbruk og fruktdyrking sidan 1600-tallet, og kanskje enno lengre. I Vanvik var dei kjende for frukt og bær av god kvalitet.

Frå gardsutsalet i Fattnes Vestre kan du kjøpe med deg fersk helgebakst og produkt frå eigne dyr. Du kan og bestille trevirke frå sagbruket på garden. Frå bakarovnen på garden kan du smaka på deira "Skattkammer"-brød og dei har gjerne også andre spesialitetar på lur!

Fattnes Vestre kan ta i mot små grupper på bestilling.

Tett på bygda

Fattnes Vestre arbeider tett saman med nabogardar i Fattnes, Vanvik og områda rundt for å tilby deg det beste av det området har å by på. Du skal difor ikkje sjå vekk i frå at du kan kjøpe med deg urter, egg og andre kortreiste varer frå nabogardane under eit besøk.

Kombiner gjerne turen til Fattnes Vestre med å utforske turstiane i området (turkart ligg under "vandring"). Utsikten frå Fattnesnuten er magisk i godvær.

Det er og fint å bestilla seg ei visning i Rosebua på Løland. Eller kva med ein rusletur gjennom strandstaden Vanvik og ein dukkert frå badestranda?

‍