Topptur til Natlandsnuten

Natlandsnuten ligg på 965 moh, og er ein av dei finaste toppturane i Suldal. Turen gjer seg godt på kvitt føre for den meir erfarne skigåar. Turen tek 4-5 timar i jamnt tempo i stigande terreng.

‍

Ein startar turen til Natlandsnuten ved inngangen til Hedlebrekk Skiområde og lysløype. Ein tek av oppover mot Gullingenfjellet frå RV 13. Når ein kjem opp på fjellet køyrer ein ikkje opp mot Gullingen Turisthytte, men fortset vidare mot høgre. Ein køyrer forbi parkeringa til Mosvatnet-området opp ei lita stigning før ein finn parkeringa på høgre side av vegen.