Mangfaldig kulturliv på Nesasjøhuset

Nesasjøhuset er eit restaurert sjøhus som no fungerer som hovudsete for Ryfylkemuseet sin aktivitet i heile regionen. Bygget ligg sjarmerande til ved Hydrokaien i Nordenden av Sand sentrum.

‍

I første etasje finn du museumsbutikken der du kan få kjøpt lokal litteratur som bygdebøker, temabøker, linoljeprodukt og handverksprodukt av høg kvalitet, du finn óg ein koseleg kafé der du kan kjøpa deg noko og drikke og noko å bite i medan du nyt den fantastiske fjordutsikta

I andre og tredje etasje kan ein få med seg følgjande utstillingar:

Kvitebjørnen (fast utstilling)

Kvitebjørnen er ei interaktiv utstilling for born i alle aldrar. Her kan ein kle seg ut som konge og dronning, danse i speglsalen, klatre i slotta og helsa på sjølvaste Kvitebjørnen. Ein kan også høyra den spanande forteljinga om borna og Kvitebjørnen. Utstillinga er inspirert av ei forteljing av den lokale forfattaren Rasmus Løland.

Vandreutstilling

I utstillingslokalet i andre etasje av Nesasjøhuset held ein ulike utstillingar gjennom året. På denne måten er det alltid noko nytt å oppleva på museet! Informasjon om utstillinga som står der til ei kvar tid finn du på ryfylkemuseet.no.

‍

Ryfylkemuseet har i tillegg ei rekkje flotte musumsanlegg som Kolbeinstveit, Li, Røynevarden og mange fleir. I løpet av året held er dei ulike anlegga opne for besøk, nokre med guiding. Meir informasjon om dette kan ein finna på ryfylkemuseet.no

‍

Godt tilgjengeleg: Nesasjøhuset har inngong og toalett tilrettelagt for rullestolbrukarar. Utstillingane ligg i andre og tredje etasje, der ein har eigen heis som blir tatt i bruk ved behov. Det er god plass og godt lys i utstillingane, butikk og kafe.

‍