Litunet klyngetun

Høgt oppe i lia, med panoramautsikt over Hylsfjorden i Suldal, ligg garden Litunet – nesten 300 stupbratte meter opp frå fjorden.

‍

I gardstunet er det 13 bygningar frå 1700- og 1800-talet, som rommar mykje gamalt gjenstandsmateriale. Samansettinga av bygningar til ulike formål gir tunet eit middelalderpreg, samstundes som bygningane er reist ved hjelp av handverkstradisjonar som peikar langt tilbake i historia. Tunet er blant dei mest verneverdige gardstuna i denne delen av landet, og er såleis av nasjonal interesse. Riksantikvaren freda Litunet i 1974. Landskapet rundt Li er eit karakteristisk vestlandsk kulturlandskap med små åkerlappar, steingjerde og rydningsrøyser.

I sommarsesongen tilbyr dei, saman medHylsfjordcruiset til Helgøy Skyssbåt, moglegheita til å besøkje garden ved å ta den historiske stien opp frå fjorden. Meir informasjon finn du på ryfylkemuseet.no.

‍

‍