Bilde av fjord mellom fjellsiderBilde av fjord mellom fjellsider
Hylsfjorden © Skattkammeret Suldal. Foto: Jarle Lunde/Suldal Foto
Hylsfjorden © Skattkammeret Suldal. Foto: Jarle Lunde/Suldal Foto
To menn på båt med utsikt over fjord
Hylsfjorden © Skattkammeret Suldal. Foto: Privat

Hylsfjordcruise med Helgøy Skyssbåt

Båt & sjøliv

Hylsfjorden ligg heilt nord i Ryfylke i ein fjordarm av Sandsfjorden, og er ein av dei mest spektaklære fjordane i regionen der den skjærer gjennom høge fjell og idylliske grender. I dag er fjorden kanskje blant dei best gøymde skattane i Ryfylke, men fjorden har ei rik historie som ei av dei viktigaste handelsrutene mellom aust og vest på 1800-talet. På cruise med Helgøy i Hylsfjorden får ein oppleve storslagen natur, høyre lokale historier og smake på lokalmat frå produsentar langs fjorden.

 

Cruise til Hylen og strandstaden Sand

På eit cruise innover Hylsfjorden får du oppleve storslagen natur, idylliske grender, spanande historiar og kortreist lokalmat frå produsentar i Suldal og Ryfylke.Turen startar frå ytre Ryfylke og hentar opp passasjerar frå ulike kaiar innover fjordsystemet langs den historiske handelsruta mellom aust og vest heilt til du kjem heilt inst i fjorden til Hylen. På veg tilbake stoppar me innom den sjarmerande strandstaden Sand med kvite trehus, torgutsal og gode opplevingar tett på fjorden.

 

Opplev den historiske handelsruta med lokal guide

Hylsfjorden er ei viktig historisk ferdselsrute i ei tid då fjorden var den viktigaste transportåra. Her kom personar frå sjøen innover fjordriket inn til Hylen før dei tok vegen over Hylsskardet og Suldalsvatnet over til fjellbygdene i øvre Setesdal og Telemark. Stranda i Hylen blei populært kalla «Sølvkannestranda» på grunn av den store rikdommen til dei som budde her midt i den populære handelsruta på 1800-talet. Med oss på turen har me ein lokal guide som gi deg ei innsikt i dei gode historiane frå bygdene og gardane du møter langs fjorden.

 

Ein smak av Ryfylke

Om bordpå båten får du servert ein «Ryfylkepakke» som gir deg ein smakebit av ulike kortreiste produkt frå lokale produsentar frå Suldal og Ryfylke. Når ein stoppar på Sand i slutten av turen har ein moglegheita til å ta turen innom Suldal sin eigen lokalmatprodukt slik at du har moglegheit til å ta med deg nokre av desse delikatessene heim.

 

Guiding og handel på standstaden Sand

Strandstaden Sand ligg idyllisk til i knytepunktet mellom Saudafjorden, Hylsfjorden og Sandsfjorden. Blant kvite trehus tett på fjorden kan du nyte det levande grendelivet med lokale nisjebutikkar, kafear, uteservering ved fjorden, kulturhistorisk løype, balansepark, båthamn og meir.

 

Sand er også utløpet for den 22 km lange lakseelva, Suldalslågen, som er kjend for sivillaksstamme. Ein 10 minuttars gåtur frå sentrum kan du oppleve Sandsfossen og villaksen i det som er Noregs første laksestudio.

Meir informasjon om avgangar og bestilling?

Helgøy har faste avgangar i sommarsesongen. Grupper kan ta kontakt for eit tilbod på tur gjennom heile året. Besøk helgoy.no for rutetider og bestilling.

Hylsfjordcruise med Helgøy Skyssbåt
har ei offisiell miljøsertifisering. Å velje opplevingar og overnattingsstader med «Reis Grønt» merket sikrar at bedriftene du støttar tek eit aktivt miljøansvar. Sjå alle med sertifiseringa her.
console.log(true);