Fiske i fjorden

Suldal har nærleik til ei rekke fjordar i indre Ryfylke, som byr på flotte fiskemoglegheiter med eit mangfald av fiskeartar.

‍

Gode fiskeplassar:

Hydrokaien i Nordenden på Sand

NB! Freda sona ved Hydrokaien. På grunn av ein svak bestand av sjøaure er eit større område utanfor Suldalslågen ned mot Eide freda sone. Dette betyr at altfiske etter laks og sjøaure er forbode her heile året. Det er likevel lov å fiske etter saltvassfisk med stang eller handsnøre utanfor 100 meter frå grensa mellom elv og sjø.

Hylen langs RV 13 mellom Suldalsosen og Nesflaten

Jelsa kai

Erfjord kai

Vatlandsvåg kai

‍

Du treng ikkje fiskekort eller andre lisensar for å fiske i fjorden, men det er viktig å lesa seg opp på reglane som gjeld for fiske i fjorden til ei kvar tid. Ein skal mellom anna halda ei viss avstand til elveutløp, nokre artar er freda og det er viktig å vise omsyn til dei rundt deg. Meir informasjon finn du på inatur.no og hjå Statsforvaltnaren.

‍

Godt tilrettelagt: Kaiane Hydrokaien, Hylen, Jelsa kai, Erfjord kai og Vatlandsvåg kai har god tilkomst med parkeringsplass like ved. Kaiane er støypte betongkaiar der ein enkelt kjem heilt fram til fjordkanten.