Blåsjø
Blåsjøvegen © Skattkammeret Suldal Foto: Anne Lise Norheim
Blåsjø
Blåsjø © Statkraft

Blåsjøvegen – eit innblikk i storslagen natur og krafthistorie

Sykkel

Ein sykkeltur langs Blåsjøvegen tek deg mange kilometer inn i Suldalsheiane der du kjem tett på storslagen natur og ei spanande krafthistorie.

Sykkelturen startar i Gullingen-området der ein kan parkere på parkeringsplass ved Mosvatnet eller ved Gullingen turistsenter. Herifrå tek ein den asfalterte vegen nordover inn mot Suldalsheiane kjend som «Blåsjøvegen» til Noregs største damanlegg Blåsjø, som er ei samling av over 10 større og mindre vatn. Vegen blei lagt under anleggstida til Ulla Førre-anlegget som er Nord Europas største vasskraftutbygging, og den dag i dag står anlegget for 7,5 % av den årlege kraftproduksjonen i Noreg.

Blåsjøvegen frå Gullingen til Blåsjø er omlag 20 km lang og gir deg spektakulær utsikt over flott naturlandskap, der du som oftast får vegen for deg sjølv. Her kjem ein tett på ei rekke flotte fjellvatn, fossar, badeplassar, fiskeplassar og vandreruter. Den flotte badekulpen like etter Øvre Moen har blitt eit populært stopp for dei som er på tur i området. Du kjem ikkje til å vera i tvil når du nærmar deg damanlegget då den høgaste fyllingsdammen i Noreg, Oddatjøndammen, ruver framføre deg. Vel oppe på Blåsjø får du fantastisk utsikt over vassmagasinet.

Frå Oddatjøndammen kan ein ta sykle vidare innover til Førrevassdammen (totalt 25 km ein veg) og Storvassdammen (35 km ein veg).

Fakta om turen:

·     Km: ca 20-35 km ein veg

·     Høgemeter: ca 700 m

·     Gjennomsnittleg stigning: 5%

·     Startspunkt: Gullingen-området

·     Tunnelar: Ja. Hugs refleksvest og lys.

Blåsjøvegen – eit innblikk i storslagen natur og krafthistorie
har ei offisiell miljøsertifisering. Å velje opplevingar og overnattingsstader med «Reis Grønt» merket sikrar at bedriftene du støttar tek eit aktivt miljøansvar. Sjå alle med sertifiseringa her.
console.log(false);